काठमाडौं । काठमाडौं महानगरपालिकाले १५ दिनभित्र कलंकीमा रहेको खसी बजार हटाउन निर्देशन दिएको छ । महानगरपालिकाले आज (बुधबार) एक सूचना प्रकाशित गर्दै वडा नम्बर १४ मा पर्ने बल्खु खोलामा जोडिएको ७ रोपनी ८ आना जग्गामा रहेको खसी बजार हटाउन निर्देशन दिएको हो ।

खसी बजारका कारण नदी प्रदूषण भएको, छरछिमेकलाई बाधा परेको र फोहोरमैलाका कारण वातावरणमा गम्भीर असर परेकोले खसीबजार हटाउन लागेको महानगरले जारी गरेको सूचनामा उल्लेख छ ।