काठमाडौं । काठमाडौं उपत्यकाको फोहोर बोकेर गएका गाडीलाई स्थानीयले अवरुद्ध गरेपछि बञ्चरेडाँँडामा तनाव भएको छ । बुधबार उपत्यकाको फोहोर बोकेर गएका गाडीलाई बञ्चरेडाँडामा स्थानीयले अवरुद्ध गरेपछि तनाव भएको हो ।

प्रहरीले स्कर्टिङ गरेर फोहोरको गाडी बञ्चरेडाँडामा पुगेसँगै स्थानीय र प्रहरीबीच झडप भएको जनाइएको छ । सो क्रममा प्रहरीले स्थानीय दिपेश कार्कीलाई नियन्त्रणमा लिएको जनाइएको छ ।

प्रहरीले बल प्रयोग गरेर जबरजस्ती बन्चरेडाँडामा फोहोर खसाल्न थालेपछि स्थानीयले विरोध गरेका थिए । फोहोर बोकेका गाडीको सुरक्षाका लागि बन्चरेडाँडामा हाल २५० भन्दा बढी प्रहरी परिचालन गरिएको छ ।

मंगलबार पनि फोहोर बोकेर गएका गाडीलाई अवरोध गरेपछि बञ्चरेडाँँडामा प्रहरीले केही सेल अश्रुग्याँस र ५ राउण्ड हवाईफायर गरेको थियो ।  सो क्रममा एक जना घाइते भएका थिए ।